შპს თბილსერვის ჯგუფი

შპს „თბილსერვის ჯგუფის“ დირექტორის პირველმა მოადგილემ - დავით დოლიძემ და დირექტორის მოადგილემ (გარე განათების დარგში) - ვეფხია ბაძაღუამ კომპანიის დამსახურებულ თანამშრომელს, ავთანდილ ხელაძეს გაწეული შრომისთვის, მადლობის სიგელი, საჩუქრები და ფულადი ჯილდო გადასცეს. ავთანდილ ხელაძე „თბილსერვის ჯგუფის“ გარე განათების ტექნიკური სამსახურის პროგრამული მართვის განყოფილების ოპერატორის თანამდებობაზე 19 წლის განმავლობაში მუშაობდა. ასაკიდან და ჯანმრთელობის მდგომარეობიდან გამომდინარე, ბატონმა ავთანდილმა სამსახურიდან წასვლის შესახებ მიიღო გადაწყვეტილება. შპს „თბილსერვის ჯგუფი“ ჯანმრთელობას და დიდხანს სიცოცხლეს უსურვებს ბატონ ავთანდილს.