LLC Tbilservice Group

შპს"თბილსერვის ჯგუფმა" საშემოდგომო გამწვანებითი სამუშაოების ფარგლებში დღეს ვაკის პარკში ესპანური სოჭი და მჩხვლეტავი ნაძვი დარგო. დარგვის პროცესში მონაწილეობას "თბილსერვის ჯგუფის" დირექტორის პირველი მოადგილე დავით დოლიძე, ვაკის რაიონის გამგებელი ნოდარ ტურძელაძე და მისი მოადგილე ბიძინა ჩიკვილაძე იღებდნენ. აქციის ფარგლებში ვაკის პარკში 21 ხე დაირგო. "თბილსერვის ჯგუფი" მის მოვლა-პატრონობაში არსებულ ბაღებსა და პარკებში ხეების დარგვას ხვალ დღის განმავლობაშიც განაგრძობს, სულ დაირგვება სხვადასხვა ჯიშის 161 ცალი ხე-მცენარე, მათ შორის - მჩხვლეტავი ნაძვი, ესპანური სოჭი, უთხოვარა და დასავლეთის ტუია.