შპს თბილსერვის ჯგუფი

შპს „თბილსერვის ჯგუფმა“ მის მოვლა-პატრონობაში არსებულ ბაღებსა და პარკებში საშემოდგომო გამწვანებითი სამუშაოები, საყვავილე თარგების მოწყობით დაასრულა. საშემოდგომო გამწვანებითი სამუშაოებისას სულ - 192 000 ძირი ვიოლა დაირგო, აქედან 100 628 ძირი ვაკის პარკში, 42 912 ძირი 9 აპრილის ბაღში, 26 160 ძირი რიყის პარკში, 13 488 ძირი ვერის ბაღში, ხოლო 8 832 ძირი ვიოლა კი დედა ენის ბაღში. "თბილსერვის ჯგუფმა" აღნიშნულ პარკებსა და ბაღებში, ასევე სხვადასხვა ჯიშის ხე-მცენარე დარგო, მათ შორის 73 ცალი დასავლეთის ტუია, 53 ცალი ესპანური სოჭი, 18 ცალი მჩხვლეტავი ნაძვი და 17 ცალი უთხოვარა.