შპს თბილსერვის ჯგუფი

შპს „თბილსერვის ჯგუფის“ თანამშრომლებმა თბილისის ზღვის მიმდებარე ტერიტორია მოსახლეობის მიერ დაბინძურებული ნარჩენისგან გაწმინდეს. ღონისძიებაში დასუფთავების დეპარტამენტის 50-მდე თანამშრომელი იღებდა მონაწილეობას. ასევე, ადგილზე მობილიზებული იყო სპეციალური ტექნიკა. აღნიშნული ღონისძიება ერთი კვირის განმავლობაში მიმდინარეობდა. „თბილსერვის ჯგუფი“ მოსახლეობას მოუწოდებს, სხვადასხვა ტერიტორიაზე ნარჩენების დაყრისგან თავი შეიკავონ, საყოფაცხოვრებო ნარჩენი ნაგავშემკრებ კონტეინერებში, ხოლო სამშენებლო ნარჩენი სპეციალურ ნაგავსაყრელზე განათავსონ.