შპს თბილსერვის ჯგუფი

შპს ,,თბილსერვის ჯგუფის“ წარმომადგენლები, კომპანიის დირექტორის, დავით ფაჩულიას ხელმძღვანელობით, იტალიის ქალაქ პარმას ოფიციალური ვიზიტით ეწვივნენ. შეხვედრები სპეციალური ტექნიკის მწარმოებელი კომპანიის ხელმძღვანელობასთან „Dulevo International S.p.A“-ს ქარხანაში გაიმართა.

ვიზიტი მიზანი ისახავდა შპს „თბილსერვის ჯგუფსა“ და შპს „ჯი-თი გრუპს“ შორის, 2021 წლის 6 ოქტომბერს გაფორმებული ხელშეკრულების ფარგლებში, შესყიდული შვიდი ერთეული მექანიკური თვითმგველი მანქანის წარმოების პროცესის შეფასებასა და მოსაწოდებელი ტექნიკის ტესტირებაზე დასწრებას.

პროექტი EBRD-ის (ევროპის რეკონსტრუქციის და განვითარების ბანკი) მიერაა დაფინანსებული. აღნიშნული ინვესტიცია მიზნად ისახავს მუნიციპალური მყარი ნარჩენების სატვირთო მანქანების პარკის განახლებას, ასევე, ქუჩის დასუფთავების სერვისების მოდერნიზაციას. აღნიშნული ტექნიკა, თბილისში მაისის ბოლოს შემოვა.