შპს თბილსერვის ჯგუფი

შპს „თბილსერვის ჯგუფმა“ ვაკის რაიონში, წყნეთის ტყე-პარკის ტერიტორიაზე დასუფთავების მასშტაბური აქცია ჩაატარა.

აქციის ფარგლებში, 9 ჰექტრამდე ფართობის ტყე-პარკი საყოფაცხოვრებო და სამშენებლო ნარჩენებისგან დასუფთავდა. ნარჩენების გატანა სპეციალური ტექნიკის საშუალებით მოხდა. პროცესში „თბილსერვის ჯგუფის“ 30-მდე თანამშრომელი იყო ჩართული

. თანამშრომლებთან ერთად, აქციაში მონაწილეობა „თბილსერვის ჯგუფის“ დირექტორმა დავით ფაჩულიამ, ვაკის რაიონის გამგებელმა დავით კვინიკაძემ, საკრებულოს თავმჯდომარემ, ვაკის რაიონის მაჟორიტარმა დეპუტატმა გიორგი ტყემალაძემ მიიღეს.

ერთად გავუფრთხილდეთ გარემოს და არ დავანაგვიანოთ საზოგადოებრივი თავშეყრის ადგილები.