შპს თბილსერვის ჯგუფი

დედამიწის დღესთან დაკავშირებით „თბილსერვის ჯგუფის“ თანამშრომლებმა მუხათგვერდის ტყის მიმდებარე ტერიტორია დაასუფთავეს. ღონისძიებაში ჩართული იყო კომპანიის 20 თანამშრომელი და მობილიზებული იყო სპეცტექნიკა.

დასუფთავების აქციაში მონაწილეობა მიიღეს „საქართველოს მწვანეთა მოძრაობის“ წარმომადგენლებმა და სხვადასხვა უნივერსიტეტის სტუდენტებმა.

22 აპრილს დედამიწის დღეს მსოფლიოს 193 ქვეყანა აღნიშნავს. ამ დღესთან დაკავშირებით გარემოს დაცვის მხარდასაჭერი ღონისძიებები ყოველწლიურად საქართველოშიც ტარდება. დედამიწის დღე პირველად 1970 წელს აღინიშნა.