შპს „თბილსერვის ჯგუფის“ ვაკე-საბურთალოს რაიონულმა განყოფილებამ, ლისის ტბის მიმდებარე ტერიტორიაზე მასშტაბური დასუფთავებითი სამუშაოები დაიწყო.
აქციის ფარგლებში, ლისის ტბის მიმდებარედ, მუნიციპალიტეტის საკუთრებაში არსებულ მიწის ნაკვეთზე აღმოჩენილი უკანონო სამშენებლო, ინერტული ნაგავსაყრელის დასუფთავება დაიწყო. ნარჩენების რაოდენობიდან გამომდინარე ტერიტორიის დასუფთავება კვირის ბოლომდე გაგრძელდება. ადგილზე „თბილსერვის ჯგუფის“ ვაკე-საბურთალოს რაიონული განყოფილების რამოდენიმე ერთეული მძიმე ტექნიკა და სპეც თანამშრომლები მუშაობენ.
შპს „თბილსერვის ჯგუფი“ მოსახლეობას მოუწოდებს თავი შეიკავონ საყოფაცხოვრებო და სამშენებლო ნარჩენების თვითნებურად დაყრისგან, საყოფაცხოვრებო ნარჩენები განათავსონ საცხოვრებელი სახლის წინ მდებარე ნაგავშემკრებ კონტეინერებში, ხოლო სამშენებლო ნარჩენები გლდანის შემოვლითი გზის მე-15 კილომეტრის მიმდებარედ სპეციალურად სამშენებლო ნარჩენებისათვის გამოყოფილ ტერიტორიაზე. წინააღმდეგ შემთხვევაში ადმინისტრაციულ-სამართლებრივი ღონისძიებები ყველა სამართალდამრღვევი პირის მიმართ განხორციელდება.
გადახდა
აუქციონი
კითხვა/პასუხი
მოსაკრებლის განაცხადი
COVID-19