შპს თბილსერვის ჯგუფი

კახეთის გზატკეცილზე არსებულ გამწვანებულ კუნძულებზე დეკორატიული მინათების ქსელის რეაბილიტაცია მიმდინარეობს. ახლით იცვლება ამორტიზებული პროჟექტორები და დაზიანებული სადენები. ხეების მინათების ქსელი ვანდალიზმის ფაქტების შედეგად დაზიანდა, ასევე, ათობით ერთეული იქნა მოპარული.

ამ დროისთვის 227 ცალი გრუნტის LED პროჟექტორია დამონტაჟებული, საერთო ჯამში, 500-მდე ერთეული შეიცვლება. აღნიშნულ სამუშაოებს „თბილსერვის ჯგუფის“ გარე განათების საექსპლუატაციო დეპარტამენტის თანამშრომლები ასრულებენ.