შპს თბილსერვის ჯგუფი

ბავშვთა დაცვის საერთაშორისო დღესთან დაკავშირებით, შპს „თბილსერვის ჯგუფის“ თანამშრომლების შვილებისთვის გასართობი ღონისძიება გაიმართა.

კომპანიის მთავარი ოფისის ეზოში მათთვის გასართობი სივრცე მოეწყო. პატარების სადღესასწაულო განწყობაზე სხვადასხვა ანიმაციის გმირები და ანიმატორები ზრუნავდნენ.

ბავშვთა დაცვის საერთაშორისო დღე ღონისძიებაზე მოსულ სტუმრებს შპს „თბილსერვის ჯგუფის“ დირექტორმა დავით ფაჩულიამ მიულოცა.

პატარებმა კომპანიის სპეცმანქანებიც დაათვალიერეს.