შპს თბილსერვის ჯგუფი

შპს „თბილსერვის ჯგუფის“ თანამშრომლებს შორის მინი ფეხბურთში ჩემპიონატი გაიმართა. ფინალურ მატჩში ერთმანეთს დასუფთავების დეპარტამენტის დიდუბე-ჩუღურეთის რაიონისა და გარე განათების დეპარტამენტის გუნდები დაუპირისპირდნენ.

თამაში დამატებით დროში დასუფთავების დეპარტამენტის გუნდის გამარჯვებით დასრულდა. ტურნირის ჩემპიონებს გამარჯვება „თბილსერვის ჯგუფის“ დირექტორმა დავით ფაჩულიამ მიულოცა და მოადგილეებთან ერთად ჯილდოები გადასცა.

თასებით, მედლებით, სიგელებითა და სამახსოვრო პრიზებით მეორე და მესამე ადგილოსანი გუნდებიც დაჯილდოვდნენ. ასევე, შეჯიბრების რამდენიმე მონაწილეს ინდივიდუალური ჯილდო გადაეცა.

ჩემპიონატში „თბილსერვის ჯგუფის“ თანამშრომლებისგან დაკომპლექტებული 15 გუნდი მონაწილეობდა.