შპს თბილსერვის ჯგუფი

შპს „თბილსერვის ჯგუფის“ თანამშრომლებმა აგლაძის ქუჩა N10, 14, 16ა-ში მდებარე რეკრეაციულ სივრცეში დასუფთავების ღონისძიება ჩაატარეს. ტერიტორია გაიწმინდა, როგორც საყოფაცხოვრებო, ისე სამშენებლო ნარჩენისგან.

სამუშაოებს „თბილსერვის ჯგუფის“ დირექტორი დავით ფაჩულია თბილისის საკრებულოს დიდუბის რაიონის მაჟორიტარ დეპუტატ გივი ჩხარტიშვილთან ერთად გაეცნო.

„გვინდა კიდევ ერთხელ მოვუწოდოთ მოქალაქეებს, გავუფრთხილდეთ ჩვენს ქალაქს, ნუ დავანაგვიანებთ რეკრეაციულ სივრცეებს. ასეთ ადგილებში საყოფაცხოვრებო ან სამშენებლო ნარჩენის დაყრა დაუშვებელია. მსგავსი პრობლემების მოგვარებას მხოლოდ ერთიანი ძალისხმევით, საზოგადოების თანადგომით შევძლებთ“, - აღნიშნა დავით ფაჩულიამ.

დასუფთავების აქციაში ჩართული იყო „თბილსერვის ჯგუფის“ 25 თანამშრომელი და კომპანიის სპეცტექნიკა.