შპს თბილსერვის ჯგუფი

დედაქალაქში საახალწლო განათებების მონტაჟი გრძელდება. ილუმინაციები ამ ეტაპზე კოსტავას, კანდელაკის ქუჩაზე და თამარ მეფის გამზირზე მოეწყო.

სამონტაჟო სამუშაოებს „თბილსერვის ჯგუფის“ დირექტორი დავით ფაჩულია გაეცნო. გამომდინარე იქიდან, რომ ქალაქში მოცულობითი სამუშაოებია შესასრულებელი, საახალწლო განათებების მონტაჟი ნოემბრის დასაწყისში დაიწყო და დეკემბრის შუა რიცხვებში დასრულდება.

იგეგმება ახალი ილუმინაციებისა და აქსესუარების მოწყობაც. სამუშაო პროცესის დროს განათებები მხოლოდ სატესტო რეჟიმში ირთვება.