შპს თბილსერვის ჯგუფი

დიდი დიღმის დასახლებაში, დემეტრე თავდადებულის ქუჩაზე, N6-დან N22-ის ჩათვლით მონაკვეთზე დაზიანებული სანიაღვრე ქსელის სრული რეაბილიტაცია მიმდინარეობს. პროექტის ფარგლებში, ახალი ქსელი 520 გრძივ მეტრზე ეწყობა.

მიმდინარე სამუშაოებს შპს „თბილსერვის ჯგუფის“ დირექტორი დავით ფაჩულია ადგილზე გაეცნო.

„პროექტი, რომელსაც თბილისის მერიის დავალებით ვახორციელებთ, ძალიან მნიშვნელოვანია ადგილობრივი მოსახლეობისთვის. სამუშაოების ფარგლებში, 500-600 მმ-იანი სანიაღვრე მილები და წვიმმიმღები ჭების დამაერთებელი 300 მმ-იანი ქსელი ეწყობა; იცვლება 24 საკონტროლო ჭა, ასევე, დამონტაჟდება 24 ერთეული ცხაური“ - აღნიშნა დავით ფაჩულიამ.

დემეტრე თავდადებულის ქუჩაზე სანიაღვრე ქსელის რეაბილიტაციის დასრულების შემდეგ, თბილისის მერიას დაგეგმილი აქვს სკვერის მოწყობა.