შპს თბილსერვის ჯგუფი

მზიურის პარკის მიმდებარედ მდინარე ვერეს კალაპოტის გაწმენდის სამუშაოები მიმდინარეობს. კალაპოტი იწმინდება ლამისგან, ნაშალი მასისა და მიწისგან, გასუფთავდა ლელქაშისა და ამონაყრისაგან. ასევე, მოიჭრა მდინარის ნატანისგან წარმოქმნილი კუნძულები და ნაპირზე არსებული დაზიანებული ხე-მცენარეები.

შესაბამის სამუშაოებს სპეცტექნიკის საშუალებით შპს „თბილსერვის ჯგუფისა“ და შპს „ეკოსერვის ჯგუფის“ თანამშრომლები ასრულებენ.

„თბილსერვის ჯგუფი“ დღეს ღამის განმავლობაში მდინარის კალაპოტიდან გამოტანილი მასისა და ნარჩენების გატანას უზრუნველყოფს. აღნიშნული სამუშაოების გამო 6 ივლისს, 00:00 საათიდან 06:00 საათამდე ჭაბუა ამირეჯიბის გზატკეცილზე საგზაო მოძრაობა დროებით შეიზღუდება ცალ მხარეს, იპოდრომიდან გმირთა მოედნის მიმართულებით.